CAMARINES SUR- Patay ang isang 4-anyos na batang lalaki matapos na malunod sa isang resort sa Tinambac , Camarines Sur.
Sa ulat ng PNP Tinambac, napag-alaman na nakita ang bata bandang alas -2 ng hapon nitong Sabado, Abril 22, 2023. Natagpuan ang bata sa swimming pool at sinubukang i-revive, dinala sa ospital pero hindi na ito umabot pa ng buhay.
Ayon kay PMAJ Micheal Fortunado , hepe ng Tinambac PNP, sa kanilang imbestigasyon napagtanto na nawawala ang bata pero hindi gaano binigyan pansin ng mga kaanak. Wala ring nakakitang life guard sa pangyayari kahit may mga bantay naman sa resort.
Nagpa-alala ang hepe na bantayan ang mga kasama sa swimming pool lalo na ang mga bata.
