Naharang sa Task Force Davao inabagan sa Davao City Police Office ug Bureau of Customs XI ang kapin 37 Mil pesos smuggled nga sigarilyo.
Sakay sa Public Utility bus pasulod sa Davao ang suspek nga nailang si Jaime D. Manalao, 47 anyos, minyo nga taga-Purok Lansones, 1st Crumb St, Brgy Zone 1, Digos City.
Nakuha sa posisyon sa suspek ang kinatibuk ang P37, 050.00 kantidad sa smuggled cigarettes niadtong Sabado sa hapon sa AFP-PNP Davao City Entry Point sa Sirawan, Toril District, Davao City.
Sa pikas bahin, alas 10:50 sa gabii, August 25 sa entry point sa Brgy Lacson, nasikop ang usa ka Jay Cris E Sajulga, 40 anyos, minyo nga taga- Purok 4A, Mailag, Valencia City, Bukidnon, human nga nakuhaan sab og nagkadaiyang gidak on sa pakete sa gituohang shabu.
Kasamtangan, gikustodiya na sa kapulisan samtang gihan-ay na ang mga dokumeto alang sa pagpasaka og kaso batok sa mga suspek.
