BICOL—Panibagong 36,800 vials nin Coronavac o an bakunang gibo kan Sinovac gikan sa China an nag-abot sa syudad nin Legazpi kasubagong aga.
Pasado alas 10 kan mag-abot an eroplano sa Legazpi City airport laog an 23 na kahon nin bakuna na tulos man na ipigtransportar pasiring sa Department of Health (DOH) CHD 5 cold room.
Sigun sa DOH, 10,000 na vials kaini nakaalokar para sa probinsya nin Albay, tig-5000 an syudad nin Legazpi asin Naga mantang an tada na 16,800 ididistribwer sa iba pang mga probinsya.
Enot kaini, ipinahayag ni alkalde Noel Rosal kan syudad nin Legazpi na poon pa kan Martes, ubos na an saindang vaccine allocation kun kaya talagang pighahalat ninda an pag-abot kan dugang na bakuna.
Sigun saiya, nasa 30 sagkod 40% pa sana an nababakunahan sa A2 o mga senior citizen alagad halos gabos na an mga nasa A1.
Sa pag-abot kan mga dagdag na vaccine doses, tatawan suboot prayoridad an mga nasa A4 na igwa nan in QR Code makalihis na matawan nan in go signal an syudad na punan an pagbabakuna sa nasambit na priority group.
Alagad, kaipuhan man suboot ninda magsaray nin reserba para sa mga naka schedule para sa second dose poon sa Hulyo 12 sagkod 25. Posible kaya suboot na an masunod na bakunang maabot sa Hulyo 25 o 28 pa.### || SLM
