Nag angkon it nina sa gilid it eawas ag alima ro sangka 31yo nga eaeaki matapos raya nga mabun-an it anang magueang sa Sitio Pudlon Brgy. Mabilo, Kalibo.
Ginkilaea ro biktimang si Rudolf Luntoc 31yo samtang ro suspek hay ro anang kaugalingon nga magueang ag parehung residente sa lugar.
Sa report, nagakatueog ro biktima sa sueod it andang baeay kat gulpi nga makabati it gasinangag halin sa guwa.
Bangud kara naakig segun ro biktima ag gumuwa ag nakita nana ro anang magueang nga may kaistorya rasun nga nasinggitan nana raya hasta nga mag away sanda ag nakabuoe it siyaw ro suspek ag ginbuno ro biktima.
Sa makarun hay confine ro biktima sa Aklan provincial hospital samtang owa man it planong magpasaka it kaso ro pamilya. / ANN DESLENE SALAZAR
