CEBU CITY -Mokabat sa 3,000 ka mga Katolikong pari gikan sa dili mominos 22 ka mga kaobispohan ang gipaabot nga moanhi sa Cebu City alang sa National Retreat for Priest (NRP) nga gitakda sa Catholic Bishops’ Conference of the Philippines (CBCP) gikan sa Nobyembre 7 hangtod 9, 2023.
Ang NRP, ipahigayon sa IEC Convention Center sa dakbayan sa Sugbo.
Matud ni CBCP-Episcopal Commission on the Clergy (ECC) Executive Secretary Msgr. Cesar Vergara, ang retreat usa ka importante nga panaw alang nila nga mga pari sa pagpangulo sa 80 milyones ka mga Katoliko sa nasud.
Samtang, nanawagan sab ang pangulo sa NRP Working Committee nga si Fe Barino sa ubang mga pari sa pagpartisipar sa maong kalihokan.
Ang speakers sa retreat maglakip sa Irish nga madre nga si Briege McKenna, kinsa nabantog sa tibuok kalibutan tungod sa iyang gasa sa pagpang-ayo ug pagpangalagad sa mga pari.
Kauban sab ni McKenne ang pari nga Espanyol nga si Pablo Escriva de Romani, kinsa naila sa iyang trabaho sa mga lugar sa gubat ug sa iyang missionary retreats sa tibuok kalibutan.///
