Pilason ang 30-anyos nga lalaki matapos nasimplang sa iya ginasakyan nga motorsiklo sa Brgy. Bating, Mambusao, Capiz takna alas 2:40 kaina sang kaaganhon, Enero 23.
Ginkilala ang biktima kay Eugene Taborda.
Sandig sa impormasyon nagikan sa Mambusao Municipal Police Station, nakabaton sila sang tawag gikan sa isa ka concerned citizen nga may yara sang naaksidente sa lugar.
Nahibaluan nga magapauli na kuntani sa ila puluy-an ang biktima, apang pag-abot sa lugar nadulaan ini sang kontrol sa pagmaneho kag ini ang nasimplang.
Gilayon nga nagresponde ang katapo sang Mambusao Emergency Response Unit kag ginpadangat sa Mambusao District Hospital ang biktima. | Judy Ann Juare
