Tatlo ro patay sa natabo nga banggaan it canter truck ag dump truck sa Brgy. Lopez Vito, bandang 5:30 kahapon it hapon.
Ginkilaea ro mga biktimang kanday Nomeriano Baroa it Panay, Capiz, driver it Canter; Philip Amores, 43-anyos it Roxas City, Capiz; ag si Guilbert Babas.
Ninahan man ro iba ka mga sakay it Canter nga ginkilaea nga kanday Erwin Marquez, 28; Lorivel Lial, 38; Arnel Aragon, 39; ag Sandy Punsalan, 38 tanan mga residente it Capiz.
Base sa pahayag ni Lt. Dionisio Estacio, hepe it San Joaquin Police Station, pareho nga naghalin sa Antique ro daywang truck ag paadto kunta sa Iloilo City.
Pero nagpalya segun ro preno it canter rason nga nabangga nana ro kasunod nga dump truck.
Presente nga naka-detain sa San Joaquin Police Station ro driver it dump truck nga si Ricky Ningas, 42-anyos it Cuartero, Capiz ag ginahueat ro kaso nga igapasaka sa ana it mga pamilya it mga biktima./JIL B. LACSON
