Mitahan ang tulo ka mga kanhing miyembro sa Dismantled Guerrilla Front 2 sa 25IB, sa Headquarters niini nga nahimutang sa Camp Kalaw, Poblacion, Monkayo, Davao de Oro kagahapong adlawa, Mayo 1, 2024.
Gibutyag sa mga surenderees nga sila alyas Kulas, Alyas Eme, and Alyas Dido kabahin sa mga kagamitan panggubat sa NPA nga gitago sa Dismantled Guerrilla Front 2 sa usa ka dapit sa Barangay Magangit, Maco, Davao de Oro.
Gumikan niini, gilusad dayon sa 25IB ang recovery operation alas-8:00 sa buntag sa samang adlaw diin nakuhaan sila og 2 ka improvised explosive device (IED) ug usa ka kalibre .38 nga revolver.
Bag-ohay lamang, nakatala sila og siyam ka mga rebelde nga misurender sa duha ka operationally controlled (OPCON) batalyon nga mao ang 60th IB ug 25th IB.
Gibutyag ni Brigadier General Ronnie B Babac, Commander sa 1001st Infantry Brigade nga mas gipakusgan pa nila ang ilang pagpaningkamot aron nga mamahimong hapsay ug malinawon gikan sa NPA ang ilang Area of Responsibility.
