Maga patuman it siguridad it Caticlan ag isla’t Boracay ru 2nd Aklan Provincial Mobile Force Company (PMFC) pinaagi sa koordinasyon it Malay MPS sa pagpamuno ni PLTCOL Don Dicksie L. De Dios, chief of Police.
Sa interview it BRIGADA News FM Kalibo kay PLTCOL Rogelio L. Dumagtang, Jr., Force Commander, 2nd Aklan PMFC, magiging sentro sa monitoring ru Caticlan bangud raya ru pinaka masakong lugar sa Malay.
4 ka mga municipalidad ru subject for monitoring sa safety ag siguridad particular ru Ibajay, Nabas, Malay ag Buruanga.
Nagpasaeamat man si Dumagtang sa suporta it LGU-Malay para sa mga aktibidad it PNP kamana man sa publiko nga may kooperasyon.
Hinyo sa mga PNP personnel nga maging mapa inubuson eamang sa pag implemeta it gina mando it bag-ong Police Regional Director nga si PBGen Sidney Villafor dahil mataas ru sweldo it mga pulis ngani dapat bayluhan man it trabahong tama sa pag serbisyo.//MARIVIC Y. ILIN
