LEGAZPI CITY – Maabot sa 1,199 displaced workers asin tios na pamilya gikan sa manlain-lain na barangay sa syudad nin Legazpi an natawan nin asistensya ni Senador Christopher “Bong” Go sa Legazpi City Convention Center, kun sain presente man si Mayor Geraldine Rosal asin iba pang opisyales kan lokal na gobyerno.
Bitbit kan saiyang Malasakit Team an snacks, grocery packs, shirts, vitamins, facemasks, basketball asin volleyballs na ipinanao sa mga benipisyaryo sa irarom kan Tulong Panghanapbuhay sa Ating Disadvantaged/Displaced Workers program kan Department of Labor and Employment.
Segun kay Go, igwa na nin 166 na Malasakit Centers sa bilog na Pilipinas na saiyang pigpaprayoridad na magkaigwa sa kada probinsya, syudad o banwaan na handang tabangan an mga nangangaipuhan.
