Kapin 2,600 ka mga mangunguma sa banwa sang Tapaz ang nakabaton sang ayuda nga Rice Farmer Financial Assistance (RFFA) program pinaagi sa Department of Agriculture sa idalum sang Rice Tariffication Law.
Ang tagsa ka benepisyaryo nakabaton sang P5,000 bilang suporta sa mga magagmay nga mga local rice farmers nga nagapanag-iya sang tunga ka ektarya apang indi magsobra sa 2 ka hektarya nga duta.
Gintambungan ni Tapaz Mayor Roberto Palomar ang nasambit nga aktibidad kaupod sanday Congresswoman Jane Castro, Vice Mayor Romel Somo kag Provincial Agriculturist Sylvia Guyod.
Tinutuyo sang programa nga mahatagan sang suporta ang mga rehistrado nga mangunguma para sa mas maayo nga patubas.
