BALHOG pagbalik sa selda sa Lagao police station ang usa ka 26-anyos nga lalaki human kini madakpan sa kapulisan nga nangawat og motorsiklo sulod sa impounding area sa traffic enforcement unit sa Purok 1, townsite, Barangay Buayan, GenS an alas 8:06 sa gabei, Abril 18.
Giila sa kapulisan ang suspek nga si Ernesto Sarmiento, alias Bon-bon, mekaniko ug resaidente sa Zone 1, Barangay Buayan.
Nasakpan kini sa mga sakop sa TEU sa kasagbotan nga bahin sa impounding area ug narekober sa iyahang posisyon ang Raider nga motor, mga tools, ug usa ka galloon nga gasolina.
Sumala pa sa suspek nga gipakuyog siya sa iyahang higala padulong sa impounding area apan pakyas kini nga matangag ang motor, samtang ang iyahang kauban nga lalaki nakasibat.
Kahibaloan, si Bon-bon bag-ohay lang nakagawas sa Lagao police station kagahapong adlawa, Abril 17 human ma-dismissed sa korte ang kaso niini kalabutan sa iligal nga droga.
Nasikop ang suspek sa drug buy bust operation kaniadtong Abril 5 sa Geronimo Street, Barangay Lagao ug narekober kaniya ang upat ka putos sa shabu.
Sa karon mibalik kini sa presohan sa kaso na sab nga pagpangawat. I Enamie Mogpon