KORONADAL CITY- NAKATANGGAP ng unang dose ng Sinovac COVID 19 vaccines ang 250 na mga persons deprived of liberty o PDL sa South Cotabato Rehabilitation and Detention Center (SCRDC) kamakailan lamang.
Kabilang sa nabakunahan ang mga PDL na nasa A2 priority groups o mga senior citizens, A3 o persons with comorbidity at A5 o kabilang sa poor population.
Ang pamamakuna sa mga ito ay pinangunahan ng mga kawani ng Integrated Provincial Health Office (IPHO).
Sa ngayon, nasa 335 na ang mga vaccinated na mga preso at jail personnel sa SCRDC kabilang na nag 85 na fully vaccinated.
Ang SCRDC ay mayroong 1,581 na mga PDL batay sa datos noong October 10.
