CAMARINES NORTE- Humigit kumulang isang (1) gramo ng hinihinalang shabu na may market value na dalawang libo at limandaang piso (Php2,500.00) ang nakumpiska ng pinagisang pwersa ng mga otoridad mula sa isang 24-anyos na lalaki dakong 9:50 ng gabi nitong Hulyo 3, 2021 sa Purok 4, Barangay V, Daet Camarines Norte.
Ang ikinasang buybust operation ay nagresulta sa pagkakaaresto ni Mark Dave Bartilet Y Paderon, 24 anyos at residente ng Purok 3, Brgy V, Daet Camarines Norte.
Nakuha sa suspek ang isang (1) maliit na pakete ng hinihinalang shabu (buy-bust drug) kapalit ng marked money na limandaang piso (Php500.00) at limang (5) pirasong pakete pa na naglalaman ng hinihinalang shabu.
Samantala ang suspek kasama ng mga nakuhang ebidensya ay kasalukuyang nasa pangangalaga na ng Daet MPS para sa paghahanda sa kaukulang kasong kanyang kakaharapin.
