MOKABAT na sa 222 ka kaso sa extra judicial killings o EJK ang nahuptan sa Commission on Human Rights sukad niadtong 2016 hangtud June 2021.
Kini ang gibutyag ni Atty. Keysie Gomez, tigpamaba sa Commission on Human Rights kun CHR-12 nga gawas sa 222 ka alleged EJK lahi pa ang nadawat nila nga laing matang sa human rights violations sama sa mga biktima sa VAWC ug sa mga IP’s.
Ang maong mga kaso sumala ni Gomez ang alarming ug nagpadayun apan bugtong nakapugong sa ilang imbestigasyon ang kahadlok sa testigo o sa bahin sa biktima sa pagtug-an tungod sa ilang seguridad ug kaluwasan.
Sa maong ihap wala pay naresolba ug uban ang archived tungod ang uban bag-o lang mihangyo nga ablihan ang kaso tungod sa dugang ebidensya.
Samtang ang mga violators sa alleged EJK matud ni Gomez, ang kapulisan, kasundalohan ug riding in tandem groups.
