Timbog ang isang 22-anyos na high profiled drug personality matapos ikasa ang anti-illegal drug buy bust operation sa Barangay Diamantina, Cabatuan, Isabela.
Kinilala ang suspek na si Christian Paul Malabad, binata at residente ng Brgy. Daramuangan Norte, San Mateo, Isabela.
Isinagawa ang naturang operasyon ng magkatuwang na pwersa ng PIU, PDEU at PNP Cabatuan sa pakikipag-ugnayan sa PDEA RO2 laban sa suspek kung saan nakumpiska sa kaniya ang 10 piraso ng pakete na naglalaman ng pinaniniwalaang marijuana.
Nakuha rin kay Malabad ang isang homemade shot gun, isang bala, 12 gauge shot gun at isang cellphone.
Ikinustodiya ang suspek sa Cabatuan Police Station para sa dokumentasyon at pagsasampa ng kasong paglabag sa RA 9165 o Comprehensive Dangerous Drugs Act of 2002 at RA10591 o Comprehensive Firearms and Ammunition Regulation Act.
