Pagakasuhan eon it pag eabag sa Republic Act 9165 or the Comprehensive Dangerous Drugs Act of 2002 ro 21yo nga eaeaki nga nadakpan sa ginkasa nga buy bust operation sa Brgy. Joyao-Joyao, Numancia, Aklan.
Matandaan nga nadakpan ku Setyembre 24 si Mark Windell Nahil nga residente it Numancia, Aklan it mga elemento it PDEU-Aklan ag Numancia PNP.
Nadakpan raya it daywa ka sachets it suspected shabu kabaylo it P2,200 marked money sa sangka poseur buyer. / ANN DESLENE SALAZAR
