MALAY, Aklan – Nagpatuman makarun ro Aklan provincial government it 50 percent nga pagtaas sa terminal fee para sa mga turistang magasueod sa Malay jetty ports.
Umpisa September 23, 2022, ro fee hay P150 eon para sa turistang 6yo pataas halin sa dating P100 terminal fee para sa incoming tourists.
Exempted man sa pagbayad it terminal fee ro mga Aklanon resident nga may valid identification cards, mga unga nga 5 years old and below, workers nga may valid company IDs ag turistang owa nagaistar sa Aklan pero gin-unga sa Aklan.
Suno kay Port administrator Esel Flores ro Cagban ag Caticlan ports hay nag eksperiensya it mabahoe nga lugi sa sueod it 6 nga buean nga pagsara it Boracay ag gindugangan pa raya it daywang dag-on nga pagbagsak it turismo bangud sa pandemya nga tuga it covid-19.
Base sa Malay Municipal Tourism Office, ro kilaea nga destinasyon nga isla it Boracay hay nakalista it 1,200,000 domestic ag foreign visitors sa first three quarters makarun nga dag-on. / ANN DESLENE SALAZAR
