Ihap sa krimen sa rehiyon, miubos og 31%

MIUBOS og 31.80% o 145 ang crime volume sa rehiyon-12 sa unang kwarter sa tuig, base sa datus gikan sa Police Regional Office (PRO) 12. Nakadokumento ang PRO-12 og 456 focus crime sa first quarter atong 2023 tandi sa 311 sa susamang panahon karong tuiga.

Ang focus crime mao ang murder, homicide, physical injury, robbery, theft, vehicle theft, motorcycle theft ug rape.

Wala na gipagawas sa PRO-12 ang ihap sa natala nilang kaso sa ubang focus crime apan ang rehiyon ang nakatala og 61 karong tuiga.

Samtang mokabat sa 458 rape cases ang narekord sa PRO-12 tibuok tuig atong 2023.

Una nang, gibutyag ni Police Major Rissa Hernaez, tigpamaba sa PRO-12 nga nakita nila ang pagsaka sa kaso sa rape gikan sa ubang focus crime. Kalabut niini, nagpasalamat si Brig. Gen. Percival Augustus Place, regional director sa PRO-12 sa komunidad sa pakigtinabangay sa kapulisan sa pagpakunhod sa krimen. I Richel Gubalani