Ginpatigayun makarun nga adlaw, Hunyo 16 ro Assessment ag Validation para sa 2023 Seal of Good Local Governance sa Aklan Provincial Government.
Gintambungan raya it mga Department Heads it kada opisina.
Ro Regional Assessment Team (RAT) hay ginaeakipan it mga evaluators kaparehu it Onsite Assessment Validation Team DILG Negros Occidental; DILG Region 6, MOVE Aklan, Incorporated ag DILG Provincial Office.
Ro SGLG hay sambilog sa mga pinakaimportante ag pinakamataas nga award nga ginatao it DILG para makilaea ro mga LGUs nga nagpakita it mayad nga ubra ag pagbag-o agud padayun nga mapabaskug ro mga programa ag serbisyong ginapaabot sa tawo.
Matandaan nga limang sunod-sunod nga dag on halin ku 2015 hasta 2019 nga nabuoe it probinsya it Aklan ro SGLG award ag napundo eamang raya bangud sa pandemya, pero uman raya nga nabuoe it Aklan ku 2022. // ANN DESLENE SALAZAR
