Labis ang pagdadalamhati ng pamilya ng dalawang taong gulang na lalaki matapos itong masawi dahil sa pagkakahulog nito sa kalderong may laman na bagong kulong tubig.
Ang insindente ay nangyari sa bahay ng kaniyang lola sa San Fabian, Pangasinan.
Ayon sa lola ng biktima, nagpakulo ito ng tubig para gamitin sa mister na may sakit.
Inilagay nito ang kaldero sa gilid ng kanilang bahay at pumasok sa loob para punasan ang kanyang asawa.
Ilang minuto pa ay may narinig silang umiiyak na bata, na akala ay nag-aaway lang.
Nang lumakas ang sigaw, nagpasya silang tingnan at nakita nila na ang bata ay nahulog na sa kaldero.
Agad naman sinugod ang biktima sa ospital pero kalaunan ay namatay din ito dahil sa matinding paso na tinamo sa katawan.
