Naninahan ru daywang miyembro it 12th Infantry Battalion Philippine Army sa natabong engkwentro kontra sa miyembro it New People’s Army sa Brgy. Sia, Tapaz, Capiz.
Suno kay Lt. Colonel Joseph Jason Estrada, Commanding Officer it 12 IB, stable eon ru condition it 2 sudado.
Nag responde sa lugar ru militar matapos maka baton it reklamo nga naghimo it extortion activities ru mas sobra 10 NPA members.
Na-recover sa encounter site ru rifle grenade, 4 nga bala it M203, 10 ka cellphones, 6 hard disk drives; handheld radio, ag subversive documents nga may high intelligence value.
Naga pati man si Estrada nga may napatay sa hanay it NPA dahil sa nakit-ang bakas it dugo sa lugar.//MARIVIC Y. ILIN
