Kinumpirma ng Department of Migrant Workeres (DMW) na may Pilipinong namatay sa missile strike ng Houthi sa isang barko sa Yemen.
Sa inisyal na ulat ng US Central Command – patay ang tatlong mga crew members ng M/V True Confidence sa pagpapakawala ng anti-ship ballistic missile (ASBM) ng Houthi.
Sapul nito ang naturang barko kung saan, tatlo ang napaulat na nasawi; at mayroong ‘di bababa sa anim na nasugatan at tatlo ang kritikal.
Sabi ng DMW, dalawa ang namatay na mga Pilipino; habang mayroon ding dalawang Pinoy na nasugatan.
Nagpaabot naman ng pakikiramay ang DMW para sa mga naulila nito.
Ito ang kauna-unahang casualties na naitala mula nang maglunsad ng missile attacks ang grupo.
Maaalalang sunud-sunod na ang mga ASBM na pinakawala ng Houthi kung saan, maliban sa True Confidence ay natamaan din nito ang MSC Sky II.
