LEGAZPI CITY – Arestado an duwang (2) persona sa isinagibong magkasuway na anti-illegal gambling operation kan mga personahes kan Guinobatan Municipal Police Station (MPS) sa banwaan kam Guinobatan, Albay.
An nasambit na mga akusado, inarestar sa pagbalgar sa Akta Repulika numerado 9287 o mas bisto bilang “Bookies” o pagdagdag nin penalidad sa pigsasagibo nin illegal number games, arog kan Jueteng, Bulang, Bingo, Masiao, asin dakol pang iba.
Segun sa Guinobatan MPS, nagkolektar subuot an saro sa mga akusado nin kwarta sa saro sa mga personahes o poseur bettor kan nasambit na hepatura. Dahil digdi, kinumpiskar an nasambit na mga illegal gambling paraphernalia asin inarestar an mga suspek.
Enot na nadakop an sarong babayi sa isinagibong operasyon, alas 2:30 nin pagkahapon sa Purok 8, Masarawag, Guinobatan, Albay, kasuhapon Hulyo 16, 2024.
Sa pagsagibo man nin parehong operasyon alas 9 nin pagkaaga ngonian na aldaw sa Brgy. Maguiron, kan parehong banwaan, naarestar man an sarong lalaki, kun sain igwa ini nin pigrekomendar na piyansang maabot sa P120,000 para sa pagbalgar sa RA 9262.
An duwang naarestar na suspek, kapot na kan nasambit na hepatura para sa magkakanigong disposisyon.
