Patay ang duha ka driver matapos nagbunggu-anay ang ila motorsiklo nga ginamaneho sa Barangay Cagay, Roxas City, Capiz.
Ginkilala ang mga napatay nga sanday Kiven Roice Villaruz, 22-anyos, residente sang Barangay Sibaguan sining syudad kag Marlon Balasa, 49-anyos kag residente naman sang Barangay Cudian, Ivisan.
Sandig sa imbestigasyon sang Roxas Component City Police Station, padulong sa syudad sang Roxas si Villaruz samtang pauli naman sa banwa sang Ivisan si Balasa.
Apang pag-abot sa lugar nga ginluntaran sang aksidente, hinali nalang nagbunggu-anay ang ila motorsiklo nga ginamaneho nga gintunaan sang ila pilas sa ulo kag nagkalain-lain nga parte sang kalawasan.
Madasig nga ginpadangat sang Capiz Emergency Response Team sa Roxas Memorial Provincial Hospital si Balasa apang ini ang gindeklarar sang doktor nga dead on arrival.
Ginbawian naman sang kabuhi si Villaruz samtang ginabulong sa pribado nga ospital. Sa karon, yara na ang bangkay sang duha ka driver sa nagkalain-lain nga punerarya sa syudad sang Roxas. | Judy Ann Juare
