Arestado ang walo (8) ka tripulante matapos naaktuhan nga nagapatigayon sang iligal nga pagpangisda sa kalalawran nga sakop sang Panay, Capiz.
Ginkilala ang mga nagkaladakpan nga sanday James Onilan, 30-anyos, Jemar Hangor, 24-anyos, Robert Villanueva, 63-anyos, Mary Ann Villanueva, 60-anyos, Rene Catalan, 59-anyos, Lowel John Dela Cruz, 30-anyos, Dizon Asuelo, 25-anyos, kag Justine Borines, 21-anyos lunsay mga residente sang Barangay Casanayan, Pilar, Capiz.
Narekober sa nasambit nga mga persona ang apat tanan ka sakayan, mga fishing paraphernalia kag nagkalain-lain nga sahi sang isda.
Sa karon, nagapabilin sa kostudiya sang MENRO-Panay ang mga nagkaladakpan lakip ang mga nakumpiskar para sa nagakaigo nga disposisyon. | Judy Ann Juare
