SORSOGON CITY – Arestado ang dalawang opisyal ng Bayan Muna at Anakpawis sa ikinasang checkpoint ng mga awtoridad sa Brgy Cumadcad, Castilla, Sorsogon.
Kinilala ang mga ito na sina Percival Torres Dellomas, alias Percy, 42-anyos, binata, Provincial Chairman ng Bayan Muna at Anakpawis at naninirahan sa Brgy Zone 2, Bulan at Darwin Guamos Guelas alias Ken, 33-anyos, binata, Municipal Chairman ng Bayan Muna at Anakpawis at residente ng P6, Brgy Beguin ng parehong bayan.
Batay sa ulat, ang dalawa ay may mga nakabinbin na kaso kung kaya’t inabangan ng mga awtoridad ang mga ito habang lulan ng pampasaherong van papuntang Albay at naflagged-down sa nasabing lugar.
Inihain sa mga ito ang kani-kanilang warrant of arrest kung saan si Dellomas umano ay nahaharap sa kasong paglabag sa RA 11479 o anti-terrorism act habang si Guelas ay sa kasong murder, mga kasong walang piyansa.
Kasalukuyang nasa kustudiya ng Castilla MPS ang dalawang akusado.
Agad namang nagpalabas ng Alert at pagkondena ang ibat-ibang progressive groups at pinanawagan ng mga ito ang agarang pagpapalaya sa dalawang akusado na sinampahan lang umano ng gawa-gawang kaso.
