Naninahan ro daywang sakay it mini van matapos aksidenteng bumangga sa truck sa Brgy. Tagbaya, Ibajay, Aklan.
Ginkilaea ro mga biktimang sanday Lhemen Mendez 32yo it Makati, driver it minivan ag kaibahan kara nga si Dominique Pineda, 20yo it Hamtic, Antique.
Sa imbestigasyun, nakasunod ro mini van sa truck nga ginamanehu ni Jerold Jaspe 43yo it San Dionisio, Iloilo nga padueong sa direksyon it Nabas, Aklan.
Gulpi segun nga nagpundo ro truck para mataw-an it hugada sa kasubeang kara nga saeakyan kat gulpi eon lang bumangga sa likod kara ro minivan.
Wasak ro prente it minivan rasun agud maninahan ro daywa ka biktima nga gindaea man eagi sa Ibajay Hospital samtang sa impounding area eon it Ibajay PNP Station ro mga nasambit nga saeakyan para sa nagakaigu nga disposisyon. / ANN DESLENE SALAZAR
