Nasa kustodiya na ng Calatagan Municipal Police Station ang dalawang Most Wanted Person matapos mahuli sa magkahiwalay na operasyon ng mga awtoridad.
Ayon sa isinagawang operasyon ng naturang himpilan, una umanong naaresto si Rommel Mendoza, 32 anyos, residente ng Brgy. Bagong Silang, Calatagan, Batangas at tinaguriang Top 9 most wanted ng lalawigan.
Naaresto ito sa bisa ng warrant of arrest dahil sa kasong paglabag sa RA 9165 o ang Comprehensive Dangerous Drugs Act of 2002.
Pangalawang naaresto ay si Ruel Alaer, 41 anyos at residente ng Brgy. Hukay, Calatagan, Batangas.
Si Alaer ay itinuturing na Top 8 most wanted ng lalawigan at nahaharap rin sa kasong paglabag sa RA 9165.
