Iniulat ng Department of Health Center for Health Development MIMAROPA na mayroong naitalang 2 Firework-related Injuries sa buong rehiyon ng MIMAROPA.
Hanggang nitong Miyerkoles, ika-28 ng Disyembre 2022 ay nakapagtala ang CHD MIMAROPA ng dalawang ( 2 ) insidente mula sa Palawan.
Ang una kaso na kinasangkutan ng isang bata ay mula umano sa Barangay San Manuel, Puerto Princesa City noong ika-23 ng Disyembre 2022 na napinsala dahil sa whistle bomb.
Ang pangalawang insidente ay noong hating-gabi ng pasko, ika-25 ng Disyembre 2022 mula sa Barangay Pawa, Cuyo na dinala sa Cuyo District Hospital.
Kaugnay nito, ipinapaaala ng Kagawaran ng Kalusugan na salubungin ang bagong taon nang masigla at kumpleto ang pamilya at mga daliri.
