Dakop sa akto sang kapulisan ang isa ka nagtaya kag nagapataya samtang nagapatigayon sang iligal nga STL bookies sa Sitio Tagudtod,Barangay Bilao, Sapian, Capiz.
Ginkilala ang mga arestado nga sanday Manolito Abrigo, 33-anyos (nagapataya) kag Russil Sereneo, 25-anyos (nagtaya) kag lunsay mga residente sang nasambit nga barangay.
Nakuha sa paghinakop sang nagapataya nga si Abrigo ang de baterya nga thermal receipt printer, P20 nga coins, ballpen, sling bag kag motorsiklo samtang isa ka resibo sa nagataya nga si Serenio.
Kaso nga paglapas sa Presidential Decree 1602 nga ammended sa RA 9287 ukon Anti-Illegal Gambling Law ang atubangon sang duha ka akusado.
Sa karon, nagapabilin ang mga ini sa kustodiya sang Sapian MPS para sa nagakaigo nga disposisyon. | KMD Gicalde
