GIDAKOP sa hiniusang pwersa sa kapulisan ang duha ka mga batan-ong lalaki sa Ecoland Terminal Agusto 17, sa kasamtangan nga tuig human namaligya og cellphone nga gidudahang gikan sa usa ka shop sa General Santos City.
Subay sa progress report sa San Isidro PNP ang tag-iya sa shop nakig alayon sa pulis kay iyang nakasabot online ang namaligya og cellphone nga kinawat sa ilang shop.
Gumikan niini nakig alayon sila sa kapulisan sa Davao City ug gihimo ang entrapment operation sa Terminal.
Sumala kay San Isidro Police Station Officer Incharge P/CAPT Danny Balofiños nga ang rason sa duha ka dinakpan nagapalit ug nagabaligya lang usab sila ug cellphone online.
Human sumala pa nagmalampuson ang transaction gidakop ang duha ka batan-on nga namaligya ug cellphone nga silang Johaer Andiara Monte, 23-anyos ug Jhamer Eyas Andiara, 18- anyos nga pulos taga Purok 2 Mini Forest, Boulevard Barangay 23, Davao City.
Gidugang ni Balofiños nga kasong may kasupakan sa Anti Fencing Law ang kaso sa duha ka seller samtang laing kaso ang ipasaka sa Gensan PNP. I Ver Diazon
