KAUGMAON sa mga anak ug apo ang angayang huna-hunaon sa mga residente sa GenSan sa pagpili og bag-ong lider.
Kini ang pagtuo sa duha ka amahan nga silang Cris Ronolo ug Paul Valencia, residente sa siyudad.
Matud ni Ronolo, boluntaryo niyang gikampanya si Brigada Elmer Catulpos ug ang pamilyang Achievement with Integrity Movement (AIM) tungod sa handom nga kabag-ohan sa dakbayan.
“Ako isip usa ka lider sa usa ka grupo, naningkamot ko naga-adto ko sa Upper Labay, Batomelong boluntaryo kung nangampanya nga iboto si mayor Catulpos walay nihatag sa akoa nga pulitiko, kay kung gusto mo og kabag-ohan para sa inyong anak ug apo, si mayor Catulpos ang tybag,” pamahayag ni Ronolo.
Bag-ong GenSan padulong sa pagkab-ot sa damgo ang buot makita ni Valencia sa tanang nagpuyo sa dakbayan.
“Daghan sa akong mga higala ang gasuporta ni mayor Catulpos kay mao raning mayor nga dunay kasingkasing sa mga pobre,” asoy ni Valencia.
Ang pamahayag sa duha gipamatudan sa gidugok nga rally sa AIM sa Purok 1, Barangay Tinagacan ning dakbayan.
