Arestado ro daywa ka eaeaki sa ginkasa nga entrapment/buy bust operation kaina nga pasado ala una it hapon sa Brgy. Aranas, Balete, Aklan.
Ginkilaea ro daywa ka subject person nga sanday Sanny Peniano ag John Felizardo nga parehung mga taga Altavas, Aklan.
Narekober sa mga raya ro daywa ka unit it homemade shotgun, 2 magazine it 12-gauge shotgun, 5 live ammunitions it 12 gauge, P32,000 cash, 1-unit it keypad cellphone, 2 manok ag 2 motorsiklo.
Sa interview it Brigada News FM Kalibo sa sambilog sa mga suspek nga si Sanny, ginpamalibaran nana ro nasambit nga alegasyon ag ginklaro nga bukon it anda ro mga armas nga narekober halin kanda.
Suno kana, ginbayaran eamang sanda it P1,000 agud maihatud sa Balete ro padaea, nga sa pagdumdom nana hay jalousie window ro sueod.
Sa makarun hay naga padayun pa ro imbestigasyon it mga kalupisan. // ANN DESLENE SALAZAR
