Armas , marijuana ug shabu ang narekober sa otoridad gikan sa mga dayo ug pahinante sakay sa iloang mga sakyanan sa Lasang Checkpoint alas tres sa kadlawonb kagahapon.
Sa report gikan sa Task Force Davao, ang suspek giila nga si Jazer Nachor Espartero, 32-anyos, minyo nga residente sa B37 L16 freedom Vile Subdivision, Bucana Sasahan, Naic, Cavite.
Sakay ang suspek sa iyang Mitsubishi Estrada pasulod unta sa Davao City dihang paghiling nadiskubre ang .45 caliber pistol nga dunay pito ka buhing bala.
Samtang gikumpiska usab sa otoridad ang 88 gramos sa gitoohang marijuana gibana-banaang mokantidad og P13,000.00 sa susamang adlaw.
Usa sab ka Arnel Alberca Pacquiao, 38-anyos, ulitawo nga residente sa Brgy. Bitas, Cabanatuan City, Nueva Ecija, ang nababagan sakay sa Ford Ranger pick- up pasulod sa Davao City dihang nadakpan sa mag sakop sa TF-Davao ug Bunawan PNP sa Lasang Checkpoint.
Gidayeg ni Col Darren Comia, Commander Task Force Davao, ang mga sakop gumikan sa kalampusan nga nasakmit resulta sa hugot nga inspeksyon nga gipatuman atol sa checkpoints. BNFM-Davao
