MOKABAT sa 200 pulis ang ipakatag sa tibuok GenSan dungan sa Semana ug tibuok summer. Matud ni PLt.Col. Aldrin Gonzales, tigpamaba sa GenSan City Police Office (GSCPO) ang mandu ang gipagula sa tanang unit alang sa operasyon kalabut sa seguridad ug kaluwasan sa publiko.
Gipakusgan ang presensiya sa kapulisan sa mga malls, simbahan, beach resorts, terminal, palengke ug uban places of convergence.
Dunay random checkpoints, magbutang usab og “Police Assistance Desks, lakip ang pagpahigayon og mobile ug detective patrols, butyag ni Gonzales. Gawas sa PNP, naka-alerto na usab ang Philippine Coast Guard (PCG), ug pangulohan sa terminal alang sa gilaomang dagsa sa mga pasahero.
Una nang, gibutyag ni Restituto Facurib, city terminal administrator nga hugot ang seguridad nga ipatuman nila sa Bulaong terminal.
Dungan sa gilaomang pagsaka sa ihap sa pasahero karong tuiga tandi atong 2020 ug 2021 tunga sa Covid-19 pandemic. I Richel Gubalani
