Duha ka balay ang gintupok sang kalayo matapos nagluntad ang sunog sa Poblacion Norte, Ivisan, Capiz gab-i sang Hunyo 22, 2023.
Sa impormasyon nga nakuha sang Brigada News FM, ginapahayag nga nakita sang mga pumuluyo nga nagikan ang kalayo sa puluy-an nga ginapanag-iyahan ni Pit Pisueña kag nalab-ot ang balay ni Mira Valbarez.
Gilayon man nga napalong sang BFP ang nagluntad nga sunog kun sa diin totally burned ang balay ni Pisueña samtang partially ang balay ni Valbarez.
Sa karon, napadayon pa ang imbestigasyon sang mga otoridad para agud matukiban ang gintunaan sang sunog. | KMD Gicalde
