LEGAZPI CITY – Naarestar an duwang persona sa magkasuway na operasyon kontra iligal na droga kan mga otoridad sa probinsya kan Albay.
Dakop sa Purok 2, Brgy. San Isidro, banwaan kan Sto. Domingo si alyas Arvie, 41 anyos, warang agom asin residente kan Brgy. Pawa, syudad kan Legazpi.
Kumpiskado sa operasyon an tulong sadit na plastic sachet nin pinagtutubudang shabu, 500 peso bill asin iba pang non-drug items.
Mientrastanto, sa Brgy. Talongog, banwaan kan Oas, inarestar si alyas Anton, 18 anyos asin residente kan kaparehong lugar.
Nadakop ini makalihis magpabakal ki sarong sadit na sachet nin pinagtutubudang shabu, sarong genuine 1,000 peso bill na buy-bust money.
Narekober man saiya an duwang sadit na sachet nin shabu.
An duwang naarestar na persona, presenteng nagtetenir sa kustodiya kan pulisya para sa magkakanigong disposisyon.