LEGAZPI CITY – Pinunan na kasuodma, Setyembre 27, an duwang aldaw na bloodletting activity sa SM City Mall sa syudad kan Legazpi.
Sa intrevista kan Brigada News FM kay Rachel Odda, assistant mall manager, sinabi niya na taun-taon nindang pigkokondusir an nasambitan na aktibidad, kun sain partner ninda an Philippine Red Cross.
Segun saiya, pigsasagibo sa bulan na ini an nasambit na aktibidad katakod kan maabot na selebrasyon kan ika-65 anibersaryo kan mall.
Maabot man sa 300 bags na dugo an saindang target para sa duwang aldaw na aktibidad kun sain tig-150 kada aldaw.
Dakol-dakol man su boot na mga personahes nin ahensya de gobyerno an saindang inimbitaran na magpartisipar digdi.
Mientrastanto, ngunyan an ultimong aldaw kan aktibidad alagad padagos pa an saindang pangapodan sa interesado na magpartisipar sa pagdonar nin dugo ngareg makatabang man sa mga nangangaipo.
