Target makarun nga dag on ro 2.3 million tourist arrivals sa isla it Boracay.
Suno kay Malay Mayor Frolibar Bautista, owa naganaba makarun sa 6k to 7k kada adlaw ro turistang nagaagto sa isla it Boracay, ngani nagasalig ro alkalde nga maabot ro nasambit nga target.
Gusto man buhion ni Mayor Bautista ro Project BEST kung siin, ubrahon nga malimpyo pirme ro isla it Boracay.
Ginhambae pa it alkalde nga tanan sanda sa Boracay hay may responsibilidad nga ayuson ro bilog nga isla ag may plano man segun ro LGU Malay nga magabakae it sniffing dogs para makadugang sa pagsiguro sa safety it isla bangud nakatutok segun ro bilog nga kalibutan sa Boracay makarun.
Samtang, ginkalipay nga ginpaabot it alkalde nga sa masunod nga buean hay magapatigayun sa isla it “Boracay Beach Full Moon to Sunrise Party”, pero ginklaro nga raya hay regulated ag owa it ‘wild party’ nga maga euntad. // ANN DESLENE SALAZAR
