Sa sueod eamang it sangka dominggo nga operasyon, nakaaresto ro PNP it 199 wanted persons ag 161 illegal gamblers.
May kabieogan nga 187 operations ro ginkasa it mga otoridad kuntra sa mga persona nga may mga pending warrants of arrest; 29 dikara hay nakaeakip sa 10 “most wanted” individuals.
Sa 33 anti-drug operations it mga kapulisan, nakaaresto ro PNP it 45 ka mga indibidwal ag nakarekober it 306 gramo it ginapatihan nga shabu nga nagabalor it P2 milyon.
Samtang, 51 ka mga operasyon man ro ginhimo kuntra sa tanan nga klase it iligal nga sugal.
Ro “Birada Semana” hay sambilog ka inisyatiba it PRO-6 para sa kampanya kuntra sa tanan nga klase it iligal nga aktibidad sa Western Visayas./JIL B. LACSON
