-Reymund Titong
KABANKALAN CITY, Negros Occidental — 19 tanan ka barangay ang imbitado sa isa ka pagsinapol sang Anti-Red Tape Authority (ARTA) sa syudad sang Himamaylan subong nga adlaw sang Martes, Hunyo 25.
Ang ARTA, ang may mandato sa pagdihon sang nakalainlain nga mga tikang agud mangin mahapos ang mga transaksyunes sa mga opisina sang gobyerno.
Ang pagsinapol ang may kaangtanan sa insakto nga pagpatuman sang Republic Act No. 11031 ukon ang Ease of Doing Business and Efficient Government Service Delivery Act of 2018.
Maabot sa karun sa syudad ang mga opisyal gikan sa ARTA-Western Visayas Regional Field Office agud nga mapa-ambit sa mga opisyales sang tagsa ka barangay sang Himamaylan ang mga inisyatibo sang ahensya nga mapadali kag mapahapos ang transakyon sa ila mga opisina.*
