Pagmahay og kaguol ang gibati karun sa 19-anyos nga trabahante sa usa ka tindahan gumikan kay miunay kini og pagpangawat sa iyang gitrabahoan didto sa may F. Calderon St. Brgy. Ermita dakbayan Sa Sugbo pasado alas 8 kagabie, Hulyo 31, 2024.
Nasikop pinaagi sa citizen arrest si Alyas Keneth, adunay kapuyo og residente sa Villa Pacita Brgy. Inayawan dakbayan sa Sugbo.
Narecover gikan sa dinakpan mao ang 4 ka mga jogger pants ingon man upat ka box sa ballpen nga mobalor og 1,000.
Matud sa dinakpan, nabuhat niya ang pagpangawat gumikan kay naapikhan siya sa iyang kwarta og aduna pa siyay bayranan sa iyang boarding house.
Sa pagkakarun gikustodiya na sa kapulisan sa Police Station 5 ang dinakpan samtang gihikayan kini og kasong qualified theft. | Sheila Mae Altubar
