Nag angkon it daywa ka nina sa likod ro sangka eaeaki matapos raya nga mabun-an sa may Poblacion New Washington, Aklan.
Ginkilaea ro biktimang si Jasper Perucho 18yo it Brgy. Polo sa nasambit nga banwa samtang ro ginaturo nga suspek hay si alyas ‘Obet’.
Sa imbestigasyun, samtang naga inuman ro grupo it biktima sa may seawall, gulping nagpaeapit ro grupo it suspek ag igto eon nagkainitan ag nakaangkon it rambol.
Nag awat eang segun ro biktima pero imaw ro nabun-an.
Sa makarun hay naka confine sa Aklan Provincial Hospital ro biktima samtang padayun ro imbestigasyun it mga kapulisan sa insidente bangud owa pa nadakpan ro suspek. / ANN DESLENE SALAZAR
