PABILING wala’y klaro nga silot nga mapahamtang sa 18 ka opisyal sa kapulisan sa nasud, human gidawat ni Pangulong Ferdinand Marcos Jr., ang ilang pagluwat sa pwesto.
Sa pagbisita ni Chief Philippine National Police (PNP) Police Gen. Benjamin acorda jr., sa Police regional Office (PRO) 12 sa barangay Tambler, GenSan. Gibutyag niini nga wala siya’y opsyon kung dili ipatuman ang una nang gibutyag gibutyag sa pangulo atol sa ikaduhang State of the National Address (SONA).
Wala nabutyag ni Acorda kung unsa ang mahitabo sa maong mga opisyal human gidawat sa pangulo ang ilang resignation. Bag-o paman niini, nagpadala og sulat si Acorda Jr. sa chief executive aron i-update kini kalabut sa imbestigasyon sa gituohang kalambigitan sa maong mga pulis sa drug trade. Kahibaloan nga naa sa 953 police officers ang misumite sa ilang resignations, apan naa lang sa 18 ka pulis ang resignation ang gidawat niini.
Ang isyu ang nanukad atong human nakumpiska ang naa sa 990 kilos sa shabu nga nagkantidad og P6.7 bilyon sa Tondo, Manila. I Richel Gubalani
