Mahigit isang linggo bago ang Barangay and Sangguniang Kabataan Elections, labing walong insidente na may kinalaman sa papalapit na elelsyon ang iniulat ng Philippine National Police.
Ayon kay PNP Public Information Office Chief PCol. Jean Fajardo, sa naturang bilang 12 insidente ng shooting, 2 kidnapping, 1 grave threat, 1 indiscriminate firing, 1 gun ban violation at 1 armed encounter.
Habang sa ngayon ay patuloy pa rin isinasailalim sa validation ang 13 suspected election-related incidents.
Sa kabuuan batay sa record ng PNP, umaabot sa 97 ang mga kasong iniimbestigahan na posibleng may kinalaman sa nalalapit na eleksyon.
Labing tatlo ang inaalam kung election-related insidents habang animnapu’t anim ang napatunayan na walang kinalaman sa papalapit na eleksyon.
