-Reymund Titong
KABANKALAN CITY, Negros Occidental — Natapos na ang 644.4 lineal meter nga semantado nga slope protection sa kilid sang Ilog-Hilabangan River agud nga makabulig sagang sang tubig sa suba.
Una nga natapos ang slop protection sa porsyon sang Barangay Talubangi nga nagalaba sang 302.4 lineal meter kag nagabalor sang P89.26 milyones pesos.
Samtang, ang ika duwa nga proyekto nga nahamtang sa Barangay Linao nga naga-laba naman sang 302. 4 meters nga nagabalor sang 84.75 milyones.
Suno kay Department of Public Works and Highways (DPWH) 6 director Sanny Boy Oropel, ang nasambit nga mga proyekto ang mga flood control structures nga may tinutuyo nga mga proteksyunan sa baha ang mga komunidad nga yara sa kilid sang suba.
Sa piyak nga bahin, pahayag naman ni district engineer Rodney Gustilo, ang dugang nga duwa ka proyekto nga natapos ang sugpon sang natapos nga slope protection project sang Agosto sang nakaligad nga tuig, nga nagalaba naman sang 294.8 lineal meters sa Barangay Orong.*
