Target sa City Social Welfare and Development Office (CSWDO) ang 170,000 ka mga senior citizens, lakip na ang 60 anyos sa P1,500 payout nga available lamang sa 65 anyos pataas.
Giklaro usab ni CSWDO Finance Section Head Julieta Vigil nga niagi sa validation ang mga senior citizens nga nalakip sa master list.
Dugang pa nga dunay mga area coordinators ang nagbalay-balay ug gipang picturan ang mga senior og gibutang sila sa system kini aron nga dali lamang mabal-an kung pila ang hatagan.
Gihingusgan sab sa opisyal nga mutabang ang senior citizen organizations nga pahibal-on ang senior citizens kung dunay mga schedule.
Gikanayon sab ni Vigil nga mahinungdanon ang voter’s ID, aron nga mabal-an kung taga-Davao gyud ba ang beneficiary gumikan ang maong annual subsidy ang alang lamang sa Dabawenyos.
Gamay lamang nga kantidad ang annual subsidy apan dakong tabang na kini alang sa ilang medisina, ug uban pang panginahanglan, pangpalit nila og gatas ug uban pa.
Samtang, ginapahigayon ang payouts sa mga barangay gyms, ug kadtong Bedridden senior citizens mamahimong manugo sa ilang kabanay uban sa authorization letter nga dunay thumbmarked, OSCA ID ug ptocopy sa ID sa mu-claim, aron makuha ang ilang annual subsidy.
