Kinumpirma ni Commission on Elections (Comelec) acting spokesperson John Rex Laudiangco na isinasagawa na nila ang preliminary investigation kaugnay sa 17 vote-buying at vote-selling cases nitong nakaraang halalan.
Ayon kay Laudiangco, umabot sa 113 ng naturang mga kaso ang naireport sa kanila bilang parte ng ginawang Task Force Kontra Bigay ng komisyon.
Hindi pa naman inanunsyo sa publiko kung may high-profile candidates ang kabilang dito dahil hawak pa umano ng Comelec Law Department ang nasabing mga kaso.
Samantala, ang election offense na vote-buying at vote-selling ay nasa ilalim ng Section 261 ng Omnibus Election Code. (ARGIE ERGINA)
