Inaasahan na tataas pa rin ang presyo ng diesel at kerosene sa Pilipinas sa susunod na linggo, sa kabila ng bahagyang pagbaba ng presyuhan ng krudo sa world market, dahil sa paghina ng halaga ng piso laban sa dolyar.
Ayon kay Atty. Rino Abad, director ng Oil Industry Management Bureau ng DOE, na posibleng mahigit isang piso kada litro ang madagdag sa presyo ng diesel.
Maaari naman daw na hindi hihigit sa P1/liter ang maging patong sa kerosene.
Inaasahan naman na kung hindi magkakaroon ng kaunting rollback, posibleng walang magiging paggalaw sa presyo ng gasolina. //MHEL PACIA
